सप्तरी। सप्तरीको कृष्णाराम बहुउद्देश्यीय कृषि फार्ममा बिहीबार राति आगलागी हुँदा २० वटा गाईको जलेर मृत्यु भएको छ । आगलागीपछि ३० वटा गाई हराएका छन् ।
राति विद्युत सर्ट भएर आगलागी भएको प्रहरीले जनाएको छ ।
आगलागीले उक्त फार्ममा पालिएको ६० मध्ये २० वटा गाईको जलेर मृत्यु भएको छ । १० वटा गाई घाइते भएको र ३० वटा हराइरहेको फार्मका संचालकले बताए ।
आगलागीले फार्मको घरसहित गाईलाई खुवाउने अन्नपातसमेत जल्दा ५० लाखभन्दा बढीको क्षति भएको उनले बताए ।
आगो निभाउने क्रममा फार्मका अर्का सञ्चालक दिनानाथ साह घाइते भएका छन् । उनको स्थानीयस्तरमा उपचार भइरहेको जिल्ला प्रहरी कार्यालय, सप्तरीले जनाएको छ ।
प्रहरीका अनुसार आगो राति नै नियन्त्रणमा आइसकेको छ ।
