एमाले फेरि पनि धुलो टकटकाउँदै दृढताका साथ उठ्नेछ : बिष्णु रिमाल

काठमाडौं । एमालेका अध्यक्ष केपी शर्मा ओलीलाई आम नेता कार्यकर्ताहरुबाट टाढा पुर्याउने र घेराबन्दीमा राख्ने मुख्य पात्रका रुपमा आरोपित बिष्णु रिमालले  सामाजिक सजालमा एमाले फेरि पनि धुलो टकटक्याउँदै दृढताका साथ उठ्ने दाबी गरेका छन् ।

गएको महाधिवेशनमा उपमहासचिवमा पराजीत भएपछि ओलीले नै टपक्क टिपेर स्कुल बिभाग प्रमुख बनाइएका रिमालले मंगलबार बिहान सामाजिक संजालमा लेखेका छन्–यो चुनाव अन्तिम होइन । संखुवासभाको परिणाम यसपटकको निर्वाचनको अन्तिम परिणाम मात्र हो।

एउटा लडाइँमा भएको हार समग्र युद्धमा पराजय हुँदैन ।  एमाले फेरि पनि धुलो टकटकाउँदै दृढताका साथ उठ्नेछ ।

विभिन्न चुनौतीहरूका बीच एमालेका उम्मेदवारहरूले हासिल गरेको सफलता महत्वपूर्ण छ ।

सूर्यध्वजाबाहक उम्मेदवारसहित प्रतिनिधिसभाको यस निर्वाचनमा विजयी सम्पूर्ण माननीय सदस्यहरूलाई हार्दिक बधाई तथा सफल कार्यकालको शुभकामना ।’