तार बेचेर खाने प्राधिकरणका हाकिमदेखि सुरक्षागार्डबिरुद्ध भ्रष्टाचार मुद्दा दायर

काठमाडौं । नेपाल विद्युत प्राधिकरण, पोखरा बितरण केन्द्रका तत्कालीन प्रमुख राजीवबिक्रम सिंह र सहायक लेखा अधिकृत (स्टोर प्रमुख) लोकप्रसाद काफ्लेसहित ४ जनाबिरुद्ध अख्तियार दुरुपयोग अनुसन्धान आयोगले बिशेष अदालतमा मुद्दा दायर गरेको छ ।

प्राधिकरणको ९ सय मिटर तामाको तार बेचेर खाएको उजुरीमा अनुसन्धान गरी उनीहरुबिरुद्ध मंगलबार मुद्दा दर्ता गरेको हो । तत्कालीन कार्यालय प्रमुख सिंह र स्टोरकिपर काफ्लेसहित कान्तिपुर सेक्युरिटी सर्भिस प्रा.लि.काठमाडौँका सेक्युरिटी गार्ड रामकुमार पुर्जा र र हेम शर्मा रिमालबिरुद्ध पनि अख्तियारले मुद्दा दर्ता गरेको छ ।

सार्वजनिक संस्थाको सम्पत्ति तार नेपाल विद्युत प्राधिकरण पोखरा वितरण केन्द्र कोत्रे पोल प्लान्ट स्थित स्टोरमा रहेको नदेखिई जम्मा रु. १३ लाख ९३ हजार ६ सय ३ रुपैयाँ तीन पैसा बराबरको सार्वजनिक सम्पत्ति हानिनोक्सानी पुर्याएको अनुसन्धानमा देखिएको अख्तियारको विज्ञप्तिमा उल्लेख छ ।

अख्तियारले तत्कालीन केन्द्र प्रमुख राजीवकुमार सिंह, सहायक लेखा अधिकृत (स्टोर प्रमुख) लोकप्रसाद काफ्ले, सेक्युरिटी गार्डहरु रामकुमार पुर्जा र हेम शर्मा रिमालको समेत आपसी मिलोमतो तथा योजनामा प्रतिवादीहरुले आफूहरुलाई गैरकानूनी लाभ तथा नेपाल सरकार र सार्वजनिक संस्था–नेपाल विद्युत प्राधिकरणलाई हानिनोक्सानी र्पुयाउने बदनियतले कार्य गरे गराएको देखिएकाले जनही रु. १३ लाख ९३ हजार ६ सय ३ रुपैयाँ तीन पैसा बिगो मागदाबी गर्दै मुद्दा दायर गरेको छ ।

यस्तो छ आरोपपत्र