भोला पोखरेलले अधिकृतबाट राजीनामा दिएर एमालेको केन्द्रीय सदस्यमा उम्मेदवारी दिए

काठमाडौं । नेपाल सरकारका शाखा अधिकृत भोलानाथ पोखरेलले एमालेको केन्द्रीय सदस्यमा उम्मेदवारी दिएका छन् । एमालेको जारी ११ औं महाधिवेशनमा उनले केन्द्रीय सदस्यमा उम्मेदवारी दिएका हुन् ।

जागिर अवधि ४ बर्ष बाँकी भए पनि पोखरेल राजीनामा दिएर केन्द्रीय सदस्यमा उम्मेदवार भएका हुन् । एमाले अध्यक्ष केपी शर्मा ओलीको समूहबाट उनले केन्द्रीय सदस्यमा उम्मेदवारी दिएका हुन् ।

लामो समय ट्रेड युनियन आन्दोलनको नेतृत्व गरेका उनी पछिल्लो समय आधिकारिक ट्रेड युनियनको अध्यक्ष थिए ।

पोखरेलले  एमालेनिकट नेपाल निजामती कर्मचारी संगठनका अध्यक्ष, पेशागत महासंघ लगायतको नेतृत्व गरिसकेका छन् । पोखरेल कुशल संगठकका रुपमा समेत चिनिन्छन् ।