काठमाडाैं । सञ्चार तथा सूचना प्रविधि मन्त्री पार्वत गुरूङले प्रेस पास ५ वर्षसम्म नविकरण गर्न नपर्ने व्यवस्था गर्ने बताएका छन् ।
नेपाल पत्रकार महासंघको २६औ महाधिवेशनलाई सम्बोधन गर्ने क्रममा मन्त्री गुरुङले सूचना विभागबाट हुने झन्झटिलो कामलाई सहज बनाउन आफु लागि परेकाे बताएका हुन् । पत्रकारले प्रेसपास वार्षिक रुपमा नविकरण गर्नुपर्ने हुँदा समस्या परेकाे गुनासाे गरेपछि मन्त्री गुरूङले यस्ताे बताएका हुन् ।
मन्त्री गुरुङले अनलाइन र केवल टिभीलाई पनि लोककल्याणकारी विज्ञापनको सुविधा दिइने, सञ्चार प्रतिष्ठापन केन्द्रको स्थापना गरिने श्रमजीवि पत्रकार ऐन लागू गर्न पत्रकार महासंघसँग सहकार्य गर्ने, पत्रकार वृतिविकास कोषलाई बढाएर १० करोड बनाइने बताए ।
कोषको रकमवाट जेष्ठ, अशक्त, सुत्केरी पत्रकार, विरामी पत्रकार, रोजगार गुमेका पत्रकारको हीतमा लगानी गर्ने गुरूङकाे भनाइ थियाे ।
