कुलमानको मन्त्रालयमा लक्ष्मणको लीला, ७ बर्षदेखि धनुषामा रजगज

काठमाडौं । कुलमान घिसिङले नेतृत्व गरेको सहरी विकास मन्त्रालय मातहतको संघीय सहरी विकास तथा भवन निर्माण कार्यालय धनुषामा सात बर्षदेखि कार्यरत रहेका छन् इन्जीनीयर लक्ष्मण यादव ।

निजामती सेवा ऐन–नियममा २ बर्षमा कर्मचारीको सरुवा हुने ब्यवस्था छ । तर यादवका हकमा यो नियम लागू हुनसकेको छैन । सहरी विकास मन्त्रालयका प्रवक्ता नारायण मैनालीलाई प्रभावमा पारी उनी यो बर्ष पनि सरुवा रोक्न लागेका छन् । इन्जीनीयर लामो समयदेखि सोही कार्यालयमा बस्दै आएका छन् । उनलाई निजामती सेवा ऐन र निजामती सेवा नियमावलीले छुने गरेको छैन ।

सामान्यता एउटा कर्मचारी एउटा कार्यालयमा दुई बर्षसम्ममात्र कार्यरत हुन्छ । दुई वर्ष अवधि पूरा भएपछि उसको अन्य कार्यालयमा सरुवा हुने गर्छ । निजामती सेवा ऐन २०४९ र निजामती सेवा नियमावली २०५० मा गरिएको व्यवस्था यही हो । तर शक्ति, पहुँच र आर्थिक प्रभावमा पारेर लक्ष्मण दुई बर्षभन्दा बढी अझ लामो समयसम्म उक्त कार्यालयमा बस्ने गरेका छन् ।

मन्त्रालय स्रोतका अनुसार यसपटक उनको सरुवा हुने निश्चित भएपछि उनले जनकपुरबाटै बिभागदेखि मन्त्रालयलाई प्रभावमा पारी रोक्न लागेका छन् ।

इन्जीनीयर लक्ष्मण भने पहुँच र शक्तिको भरमा उनी उक्त कार्यालय छाडेर अन्यत्र जान चाहँदैनन् । उनी लामो समयदेखि त्यही कार्यालयमा राज गरिरहेका छन् । यो भनेको चरम बेथिति हो–मन्त्रालयका एक कर्मचारीले भने ।

सात बर्षको बीचमा उक्त कार्यालयमा कार्यालय प्रमुख पटक–पटक फेरिए तर लक्ष्मणलाई भने सरुवा भएर अन्यत्र जानुपरेको छैन । उक्त कार्यालय उनका लागि आकर्षक ठाउँ भएको छ । उक्त कार्यालयमा बसेर उनले ठूलो आर्थिक उपार्जन गरेको मन्त्रालयका कर्मचारीहरु बताउँछन् ।

लामो समयसम्म एउटा कर्मचारी एउटै कार्यालयममा राज गरेर बस्दा न सहरी विकास मन्त्रालयले चलाउने गरेको छत सहरी विकास तथा भवन निर्माण विभागले चलाउने गरेको छ । हरेक बर्ष विभागले ठूलो संख्यामा इन्जीनीयरहरुको सरुवा गर्ने गर्छ । सामान्यता भदौ–असोज महिनामा निजामती कर्मचारीहरुको सरुवा गर्ने गरिन्छ । तर लक्ष्मणको हकमा धेरै वटा भदौ–असोज महिना गइसके, कसैले उनलाई छुन सकेको छैन ।
आयोजनाको पीसी माथिसम्म बुझाएरै उनले सरुवा रोकाउँदैआएका छन् ।