शिक्षामन्त्री पुनका तीन निर्देशन, सामुदायिक विद्यालयमा कम्प्युटर शिक्षक अनिवार्य

काठमाडौं । शिक्षा, विज्ञान तथा प्रबिधि मन्त्री महावीर पुनले शिक्षा मन्त्रालयमा बहाली भएको दोस्रो दिन तीन वटा काम अगाडि बढाउन निर्देशन दिएका छन् । परीक्षाफल ३ महिनाभित्र निकाल्नका लागि मन्त्री पुनले निर्देशन दिएका छन् । मन्त्री पुनको तेस्रो निर्णय त्रिभुवन विश्वविद्यालय हाताभित्रको जंगल फाँडेर आकर्षक बगैंचा बनाउन निर्देशन दिएका छन् ।

मन्त्रालयमा आज मैले काम तुरुन्त अगाडि बढाउन निर्देशन दिएका ३ वटा साना साना कदमहरु हेर्नुहोस् ।

१. नेपाल भरका सामुदायिक माध्यमिक विद्यालयमा पढ्ने विद्यार्थीहरु कम्प्युटर शिक्षाबाट बञ्चित नहून् भन्ने उद्देश्यले पठनपाठनको लागि हरेक विद्यालयमा एक जना कम्प्युटर शिक्षकको दरबन्दी अनिवार्य थप्नुपर्ने ।

२. केही बिश्वविद्यालयहरुले परीक्षा लिएर परीक्षाफल निकाल्न ८ महिनादेखि १ बर्षसम्म लगाउँदा रहेछन् । विद्यार्थीहरुका लागि त्यो अपूरणीय क्षति हो ।

त्यसैले बिश्वविद्यालयलाई बढीमा ३ महिनाभित्र अनिवार्य रूपमा परीक्षाफल निकाल्न निर्देशन दिने । समयमामै परीक्षाफल ननिकाल्ने बिश्वविद्यालयहरुको अनुदान रोक्का गरिदिने । राष्ट्रिय परीक्षा बोर्डले १२ क्लासका ५ लाख विद्यार्थीको परीक्षाफल ३ महिनाभित्रै निकाल्दोरहेछ ।

३. त्रिभुवन विश्वविद्यालय कीर्तिपुरको हाताभित्र ठूलो क्षेत्रफलमा रहेको झाडी फाँडेर (ठुला रुखहरु नकाट्ने) सफा गरी सुन्दर बँगैचासहित फुटपाथ बनाएर बिश्वविद्यालयलाई आकर्षक बनाउने ।