काठमाडौं । पेट्रोलियम पदार्थ बिक्री गर्ने विक्रेताले आन्दोलनको घोषणा गरेपछि नेपाल आयल निगमले कमिसन बढाउने सहमति गरेको छ । लामो समयदेखि पेट्रोलियम पदार्थ विक्रेताले पेट्रोलियम पदार्थ बिक्री गरी दिएबातको कमिसन बढाउन माग गर्दै आएको थिए ।
विक्रेताले निगमले पेट्रोलियम पदार्थको कसिमन नबढाए आइतबारदेखि आन्दोलन गर्ने चेतावनी दिएपछि निगमले पेट्रोलियम पदार्थ विक्रेताको कमसिन हिजोदेखि नै बढाउने सहमति गरेको छ । सहमति अनुसार पेट्रोलियम पदार्थ विक्रेतालाई पेट्रोलमा ०.३९५ प्रतिशत र डिजलमा ०.४७ प्रतिशत कमिसन बढाएको छ ।
यस भन्दाअघि विक्रेताले पेट्रोल बिक्री गरेबापत प्रतिलिटर ३ प्रतिशत र डिजलमा प्रतिलिटर २.६७ प्रतिशत कमिसन पाउने गरेका थिए । अब पेट्रोलमा प्रतिलिटर ३.३९५ प्रतिशत र डिजलमा ३.१२ प्रतिशत कमिसन पाउने भएका छन् ।
यसअघि नेपाल पेट्रोलियम डिजर्स राष्ट्रिय एसोसियसनले गत १२ माघमा कमिसन नबढाए आइतबारदेखि आन्दोलनमा जाने भन्दै निगमलाई पत्र बुझाएको थियो ।
हिजो (शनिबार) नेपाल आयल निगम र नेपाल पेट्रोलियम डिलर्स राष्ट्रिय एसोसिएसनका प्रतिनिधिबीच भएको छलफलमा निगमको सञ्चालक समितिले विक्रेताको कमिसन बढाउने निर्णय गरेको हो ।
सो निर्णयपछि एसोसिएसनले आइतबार गर्ने भनिएको विरोधका सबै कार्यक्रम फिर्ता लिएको निगमले जानकारी दिएको छ ।
