विराटनगर, ११ बैशाख । समाजवादी र राष्ट्रिय जनता पार्टीले रातारात एकता गरी गठन गरेको जनता समाजवादी पार्टीले दल दर्ताका लागि निर्वाचन आयोगमा निवेदन दिएको छ । बिहीबार बिहान ११ बजेर १६ मिनेटमा निर्वाचन आयोगमा दल दर्ताको निवेदन दर्ता भएको हो । जनता समाजवादी दलको दर्ता नम्बर १३८८ हो ।
बुधबार मध्यराति समाजवादी र राजपाबीच पार्टी एकता भएको थियो ।
एकतामा सहभागी दुवै दलका अध्यक्षसहितका नेताहरु निर्वाचन आयोगमा पुगेका थिए । पार्टी एकीकरणको सहमति पत्रसहित निर्वाचन आयोगलाई दिइएको पत्रमा राजपाका संयोजक शरदसिंह भण्डारी र समाजवादीका अध्यक्ष उपेन्द्र यादवको हस्ताक्षर छ ।
दल दर्ताकालागि निवेदन दिएपछि राजेन्द्र महतोले प्रधानमन्त्री केपी शर्मा ओलीमाथि लोकतन्त्र बिरोधीको आरोप लगाएका छन् । प्रधानमन्त्री ओली पार्टी फुटाउन लागेकोमा महतो आक्रोसित थिए ।
