आन्तरिक स्रोतको अभाव कारण राप्ती गरपालिकाले हटायो ७१ कर्मचारी

काठमाडौँ । राप्ती नगरपालिकाले ७१ जना दैनिक ज्यालादारी कर्मचारीलाई हटाएको छ । आन्तरिक स्रोतको अभाव कारण नगरपालिकाको कर्मचारी हटाएको हो ।त्यसमा चार जना चिकित्सक, एक इन्जिनियरलगायत रहेका नगरपालिकाका सूचना अधिकारी सुरेश न्यौपानेले बताए ।

न्यौपानेले का अनुसार प्रमुख, उपप्रमुख, एम्बुलेन्सलगायत चालकसमेतलाई हटाइएको छ । नगरपालिकाले सूचना जारी गर्दै यही आजदेखि लागू हुने गरी सबै ज्यालादारी कर्मचारीलाई कार्यालय नआउन र हाजिरी नगराउन निर्देशन दिएको छ ।

आन्तरिक आम्दानीको सुनिश्चितता नभएको र अख्तियार दुरुपयोग अनुसन्धान आयोगले समेत प्रश्न उठाएकाले बाध्य भएर कर्मचारी हटाउनु परेको नगरपालिकाका पशुपन्छी विकास शाखाका प्रमुख शैलेन्द्र भण्डारीद्वारा जारी सूचनामा उल्लेख गरिएको छ । ज्यालादारी कर्मचारी हटाउने निर्णय नगरपालिकाको १४औँ नगर सभाबाट गठित सहजीकरण समितिले गरेको हो ।

समितिले जेठ १९ गते निर्णय गर्दै हटाउने प्रक्रिया अघि बढाएको हो । ज्यालादारी कर्मचारीलाई करारमा लैजान कार्यपालिकाबाट ‘ओएनएम’ गरेको भए पनि परिषद् हुन नसक्दा निर्णय गर्न नसकिएको नगरपालिकाले जनाएको छ ।