ज्ञानेन्द्रलाई जरिवाना लगाउनु बालेनको ‘स्टन्ट’ हो : कमल थापा

काठमाडौं । राष्ट्रिय प्रजातन्त्र पार्टी नेपालका अध्यक्ष कमल थापाले काठमाडौं महानगरपालिकाले पूर्वराजा ज्ञानेन्द्र शाहलाई ७ लाख ७३ हजार जरिवाना तोकेकोमा बिरोध गर्दै मेयर बालेन साहले स्टन्ट गरेको आरोप लगाएका छन् । उनले ज्ञानेन्द्र शाहको गलत ठेगानमा पठाएको पत्रलाई स्टन्टको संज्ञा दिएका हुन् । उनले पत्रको भाषा समेत अशिष्ट र अमर्यादित भएकोमा पनि उनले आपत्ति प्रकट गरेका छन् ।

थापाले लेखेका छन्–‘तीनकुनेमा चैत १५ गते भएको कार्यक्रमलाई लिएर राजा ज्ञानेन्द्रलाई जरिवाना गर्ने काठमाडौं महानगरपालिकाको निर्णय हास्यास्पद छ । गलत ठेगानामा पठाइएको पत्र जस्तो ‘स्टन्ट’ भयो ।
मेयर बालेन साहबाट यस्तो त्रुटि कसरी भयो होला, म अलमलमा छु ।

संयुक्त जनआन्दोलन समिति र नागरिक बचाउ अभियानले जिल्ला प्रशासनसँग स्वीकृति लिएर कार्यक्रम गरेको रेकर्ड हेर्न महानगरपालिकालाई आग्रह छ ।

पत्रको भाषा पनि अशिष्ट र अमर्यादित छ । राजाको कुरा छोडिदिउँ, उहाँ पूर्व राष्ट्राध्यक्ष पनि हुन्छ भन्ने महानगरपालिकाले हेक्का राख्नुपर्ने थियो ।

पत्र फिर्ता लिनु बुद्धिमानी हुनेछ ।

महानगरले शुक्रबार तोडफोड र फोहोर गरेको स्थलगत बिवरण तयार गरी ज्ञानेन्द्र शाहलाई शनिबार नै जरिवाना तिर्न पत्र काटेको छ ।

यसअघि एमालेलाई१ लाख जरिवाना गरेका मेयर साहले राप्रपाले गएको असार २५ गते विमानस्थलमा शाहलाई स्वागत गर्दा गरेको प्रदर्शनका क्रममा गरेको फोहोरको बिषयमा पनि १–१ लाख जरिवाना गरेको थियो ।