सात पूर्वआईजीपीले प्रधानमन्त्रीलाई भेटे, प्रहरी संगठन कमजोर पार्ने बिधेयक सच्याउन माग

काठमाडौं । नेपाल प्रहरीका अवकाशप्राप्त सात प्रहरी महानिरीक्षक(आईजीपी)को टोलीले प्रधानमन्त्री केपी शर्मा ओलीलाई भेटेको छ । बिहीबार बिहान प्रधानमन्त्री ओलीलाई भेटेर प्रहरी बिधेयकमा रहेका संगठनलाई कमजोर पार्ने प्रावधानका बारेमा ध्यानाकर्षण गराएका छन् ।

भेटका क्रममा पूर्वआईजीपीहरुले प्रहरीका सबै काममा प्रमुख जिल्ला अधिकारीको निर्देशन र नियन्त्रण रहने गरी ल्याइएको बिधेयकले संगठन कमजोर हुने भन्दै त्यो प्रावधान नराख्न उनीहरुले सुझाव दिएका थिए ।

पूर्वआईजीपीहरु मोतिलाल बोहरा, अच्युतकृष्ण खरेल, ओमबिक्रम राणा, रमेश चन्द ठकुरी, कुबेरसिंह राना, उपेन्द्रकान्त अर्याल र धिरजप्रताप सिंह प्रहरीलाई कमजोर नपार्नका लागि ध्यानाकर्षण गराउन प्रधानमन्त्री निवासमा गएका थिए ।