प्रदेशको सरकार जोगाउन सांसद तानातान सुरु, मन्त्रीको प्रलोभनदेखि खरिदबिक्रीसम्म

कला घले

काठमाडौ । प्रधानमन्त्री केपी ओलीले प्रतिनिधिसभा बिघटन गरेपछि त्यसको असर प्रदेश सरकारहरुमा पनि परेको छ । प्रदेश १ र बागमती सरकारका बिरुद्ध अविश्वास प्रस्ताव दर्ता भइसकेको छ । प्रदेश १ र बागमती प्रदेशमा नेकपाको ओली समूहभन्दा प्रचण्ड–माधव नेपाल समूह बलियो भएकाले अविश्वास प्रस्ताव दर्ता भइसकेको छ । प्रदेश १ मा भीमप्रसाद आचार्य र बागमतीमा अष्टलक्ष्मी शाक्यलाई मुख्यमन्त्रीमा प्रस्ताव गरिएको छ । प्रचण्ड–माधव समूहले अविश्वास प्रस्ताव दर्ता गरिसकेपछि केपी ओली समूह सांसद किनबेचमा लागेको छ । सांसदहरुलाई हस्ताक्षर फिर्ता लिन ओली पक्षका नेताहरु घरघरै पुगेका छन् । मन्त्रीको प्रस्तावदेखि विभिन्न प्रलोभन पनि दिएका छन् । 

प्रचण्ड–माधव समूहले दर्ता गरेको अविश्वास प्रस्तावमा हस्ताक्षर गर्ने उदयपुरकी प्रदेशसभा सासद कला घलेले बुधबार हस्ताक्षर फिर्ता लिएकी छन् ।  चितवन क्षेत्र नम्बर ४  को प्रदेश क बाट बिजयी सांसद कृष्ण भूर्तेलले मंगलबार बेलुका प्रधानमन्त्री ओलीलाई भेटेपछि उनले मुख्यमन्त्री डोरमणि पौडेलका बिरुद्ध गरेको हस्ताक्षर फिर्ता लिएका छन् । बागमतीका भूर्तेल मंगलबार दिनभर चितवनमा प्रचण्ड–माधव पक्षको प्रतिनिधिसभा बिघटनको बिरोधमा आयोजित कार्यक्रममा सक्रियतापूर्वक भाग लिएका थिए । तर बेलुका ओलीसँग भेट गरेपछि उनी हस्ताक्षर फिर्ता लिएका छन् । उनलाई मन्त्रीको आश्वासन दिइएपछि उनी पल्टिएका छन् ।

त्यस्तै १ नम्बर प्रदेशसभामा उदयपुरबाट प्रतिनिधित्व गर्ने सांसद कला घलेले पनि मुख्यमन्त्री शेरधन राईका बिरुद्ध दर्ता भएको अविश्वास प्रस्तावबाट आफ्नो हस्ताक्षर फिर्ता लिएकी छन् । उनलाई पनि मन्त्रीकै आश्वासन दिइएको छ । एक नम्बर र बागमती प्रदेशका सांसदहरुको घर घरमा गएर मन्त्रीदेखि नगद जे जे हुन्छ, प्रलोभन दिंदै हस्ताक्षर फिर्ता गराउने होड चलेको छ ।

एक नम्बरमा प्रचण्ड–माधवको ४० सांसदको संख्या छ । कांग्रेससँग वार्ता गरिरहेको छ । तर यता सांसदहरुलाई मुख्यमन्त्री शेरधन राईका निकट भौतिक राज्यमन्त्री अम्बिर गुरुङ सांसदलाई प्रलोभन दिने र आवश्यक परे प्रधानमन्त्री ओलीलाई नै भेटाउन सक्रिय रुपमा लागेका छन् । तस्करीबाट आर्जित धन उनले शेरधन राईको सत्ता बचाउन लगाउन थालेका छन् । सांसद गुरुङमाथि पीसी गरी यूरोप, अमेरिकामा मानवतस्करी गर्नेदेखि धेरैको घरजग्गा र रकम लिएर नतिरेको आरोप छ । उनले पुराना कम्युनिष्ट नेता कृष्णराज बर्माको २ करोड रुपैयाँ सापटी लिएको ५ बर्ष भइसक्दा पनि नतिरी उल्टै सत्ताको आडमा धम्की दिंदैआएका छन् ।