\’पैदल यात्रामा निस्केकालाई स्थानीय सरकारले घर लैजाने व्यवस्था मिलाउनु पर्ने\’

 

काठमाडौ, ५ बैशाख । पैदल यात्रामा निस्केकाहरूलाई स्थानीय सरकारले घरमा लैजाने व्यवस्था मिलाउनुपर्ने  माग सत्तारूढ नेपाल कम्युनिष्ट पार्टी नेकपाका प्रवक्ता नारायणकाजी श्रेष्ठले गरेका छन्।

उनले शुक्रबार ट्वीट गर्दै पैदल हिँडेकाहरू बास बसेका ठाउँमा त्यहाँको स्थानीय सरकारले क्वारेन्टाइनमा खाना र बास व्यवस्था मिलाउन पनि श्रेष्ठले आग्रह गरेका हुन्।

 उनका अनुसार लकडाउनको अवस्थामा घर जान पैदल यात्रामा निस्किसक्नु भएकाहरूको दुख व्यथा सहजै अनुभूत गर्न सकिन्छ । उहाँहरूलाई सम्बन्धित स्थानीय सरकारले सम्पर्क गरी सहज ढंगले घरमा लैजाने व्यवस्था गर्नुहोला ।

अबदेखि कोही पनि आफू बस्ने गरेको ठाउँबाट ननिस्कन उनले आग्रह गरेका छन्। लकडाउन कडाइपूर्वक पालना गरी स्व क्वारेन्टाइनमा बस्नुपर्ने श्रेष्ठको भनाइ छ।

‘सरकारले घरभाडा र खानाको समस्या परेकाहरूको समस्या समाधान तुरून्त गरौं,’ उनले भनेका छन्, ‘सम्बन्धित व्यक्तिको घरमा रहेको परिवारसमेत उसको आम्दानीबाट मात्र बाँच्न सक्ने स्थिति हो भने त्यो पनि हल गरौं।’