सुनको मूल्यबृद्धि हालसम्मकै उच्च, प्रतितोला १ हजारले बढ्यो

काठमाडौं । सुनको मूल्यमा नयाँ रेकर्ड कायम भएको छ । सुनको मूल्यबृृद्धिले एक महिनायताकै रेकर्ड तोेडेको छ । आइतबार सुनको मूल्य प्रतितोला १ हजार रुपैयाँ बृद्धि भएको छ । यो नेपाली बजारमा सुनको हालसम्मकै उच्च मूल्यबृद्धि हो ।

नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला १ लाख ४५ हजार ४ सय रुपैयाँ पुगेको छ । यसअगाडि गएको जेठ २५ गते सुनको मूल्य १ लाख ४५ हजार रुपैयाँ प्रतितोला पुगेर रेकर्ड बनेको थियो । त्यो रेकर्ड आजको मूल्यबृद्धिले तोडिएको छ ।

त्यसैगरी चाँदीको मूल्य आइतबार तोलामा २० रुपैयाँ बृद्धि भएको छ । शुक्रबार प्रतितोला १ हजार ८७० रहेकोमा आइतबार १ हजार ८९० रुपैयाँ कायम भएको महासंघले जनाएको छ ।