रौतहट प्रहरीद्वारा २४ लाख बढीका तस्करीका सामान बरामद

रौतहट । रौतहटस्थित तस्करहरुले बिभिन्न नाका हुँदै अबैधरुपमा भारतबाट भित्र्याएका २४ लाख रुपैयाँभन्दा बढीका तस्करीका बिभिन्न सामान ५ दिनभित्र प्रहरीले बरामद गरेको छ।

यही बैशाख  देखि ४ गतेदेखि ९ गतेसम्म जिल्ला प्रहरी कार्यालय रौतहट तथा मातहतबाट खटिएको प्रहरी गस्ती टोलीले जिल्लाको बिभिन्न स्थानबाट भन्सार छली ल्याएक २४ लाख ५२ हजार १४३ रुपैयाँ बराबरका सामानहरु नियन्त्रणमा लिएको जिल्ला प्रहरी कार्यालय रौतहटका प्रवक्ता डिएसपी एलिजा गिरीले बताएकी छिन् ।

बरामद लत्ताकपडा, कस्मेटिक, किराना तथा अन्य सामानहरु आवश्यक कारवाहीका लागि आइतवार गौर भन्सार कार्यालयमा बुझाइएको जिल्ला प्रहरी कार्यालय रौतहटद्वारा जारी सूचनामा उल्लेख गरिएको छ