टीआरसीबारे कानूनमन्त्री गुरुङले भने- म गोल हान्छु

काठमाडौं । कानून, न्याय तथा संसदीय मामिलामन्त्री धनराज गुरुङले सङ्क्रमणकालीन न्यायसम्बन्धी विधेयक (टीआरसी) सहमतिमै टुङ्गो लाग्ने उल्लेख गरेका छन् ।

संसद्‌को कानून, न्याय तथा मानवअधिकार समितिमा टीआरसीसम्बन्धी भएको दफावार छलफलमा भाग लिएका उनले यस्तो बताएका हुन् । “यसलाई राजनीतिबाट उता राखेर हेर्न मिल्दैन । राजनीतिक सहमतिबाटै यसलाई टुङ्ग्याउनुपर्छ । र, टुङ्गिन्छ,” उनले भने ।

अन्तिमसम्म आफूले प्रयास गर्ने उनले बताए । “अन्तिमसम्म प्रयास गरौँ । मलाई विश्वास छ, माननीय महेशकुमार बर्तौलाले नै बलको पास दिएपछि म गोल हान्छु । मलाई त्यो पनि विश्वास छ फेरि उहाँले पास दिनुहुन्छ,” उनले भने ।