नेकपाले सांसदहरूको दशैं भत्ता कोरोना कोषमा राख्ने

नेकपा राष्ट्रिय सभाका सचेतक खिमलाल भट्टराईले दलका पदाधिकारीसँग छलफल पछि रकम कोरोना कोषमा राख्ने निर्णय भएको बताए ।

मन्त्रीहरुले पनि फिर्ता गर्ने तयारी

नेकपा स्रोतका अनुसार मन्त्रीहरुले पनि दशैं भत्ता फिर्ता गर्ने तयारी भएको छ । सोमबार साँझ पत्रकार सम्मेलन गरेर यसको घोषणा गर्ने तयारी भइरहेको एक मन्त्रीले बताए । उनका अनुसार सोमबारका लागि बोलाइएको मन्त्रिपरिषद् बैठक स्थगित गरिएको छ ।

२०७६ को दशैंमा सरकारले सांसद र उनीहरुका स्वकीय सचिवलाई दसैं भत्ता स्वरुप एक महिनाको तलब बराबर रकम दिने निर्णय गरेको थियो । कोरोना महामारीले देश आक्रान्त भएका बेला सांसदहरुलाई भत्ता दिइएको भन्दै व्यापक विरोध भएको थियो ।