कर्णाली प्रदेशको विवादमा ओली-प्रचण्डबीच छलफल

काठमाडौं । नेपाल कम्युनिष्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल प्रचण्डबीचको छलफल सकिएको छ । 

कर्णाली प्रदेशमा देखापरेको समस्याका बारेमा दुई बीच भएको छलफल खासै सकारात्मक हुन नसकेको थाहा भएको छ । पूर्व एमाले निकट सांसदहरुले गुटबन्दी गर्दै पूर्व माओवादीका तर्फबाट मुख्यमन्त्री बनेका महेन्द्रबहादुर शाहीविरुद्ध अविश्वासको प्रस्ताव दर्ता गरेसँगै नेकपामा खैलाबैला मच्चिएको थियो ।

विशेषगरी प्रचण्ड लगायतका नेताहरुलाई भने यो घटनाले सशंकित बनाएको बताइएको छ । सोही विषयमा छलफल गर्न दुई अध्यक्ष बिहान ९ बजेदेखि बालुवाटारमा छलफलमा बसेका थिए । अहिलेको समयमा मुख्यमन्त्री शाहीविरुद्ध अविश्वास प्रस्ताव राख्नु ठिक नभएको भन्दै अध्यक्ष प्रचण्डले अर्का अध्यक्ष ओलीलाई प्रस्ताव फिर्ता गराउन आग्रह गरेका हुन्।