प्रदेश ५ को प्रदेशसभा बैठक सुरु, नाम र राजधानीको टुंगो लगाउने कार्यसूची

काठमाडौं । प्रदेश ५ को प्रदेशसभा बैठक सुरु भएको छ । बैठकले प्रदेशको नाम र राजधानीको टुंगो लगाउनेछ ।

आन्तरिक मामिला तथा कानुनमन्त्री कुलबहादुर केसीले गत शुक्रबार प्रदेशको नाम लुम्बिनी र स्थायी राजधानी दाङको भालुवाङ बनाउने प्रस्ताव प्रदेशसभामा पेश गरेका थिए । मन्त्री केसीले सोमबार उक्त प्रस्ताव छलफलका लागि निर्णयार्थ प्रदेशसभा पेश गरेका थिए ।

प्रदेशसभामा पेश भएको नाम र राजधानीको प्रस्तावको पक्षमा मतदान गर्न सत्तारुढ नेपाल कम्युनिष्ट पार्टी (नेकपा) संसदीय दलले र विपक्षमा मतदान गर्न नेपाली कांग्रेस संसदीय दलले आ-आफ्ना सांसदहरुका लागि ह्‌वीप जारी गरेको छ ।

प्रदेशका कुल ८७ सांसदमध्ये ६१ जना नेकपाका मात्रै छन् । यस्तै कांग्रेसका १९ सांसद छन् । जसमध्ये केहीले पार्टीले लगाएको ह्‌वीप नमान्‍ने घोषणा नै गरिसकेका छन् ।