३९ अंकले घट्यो सेयर बजार, कारोबार रकम कति ?

काठमाडौँ। आज बुधबार सेयर बजारको परिसूचक नेप्से ३९.२६ अंकले ओरालो लागेको छ । सो अंक घटेसँगै नेप्से २०४९ अंकमा कायम भएको छ । परिसूचक घट्दा कारोबार रकम भने अघिल्लो दिनको तुलनामा बढेको छ ।

हिजो २ अर्ब ५७ करोडको कारोबार भएकोमा आज ३ अर्ब ७ करोडको भएको छ । कुल १४ कम्पनीको मूल्य बढ्दा २०८ को घट्यो भने २ को स्थिर रहृयो । बैंकिङ ११, विकास बैंक ६३, फाइनान्स २०, होटल तथा पर्यटन ८८, जलविद्युत् ५६, जीवन बीमा ४०९, उत्पादन १०५, माइक्रोफाइनान्स ८६, निर्जीवन बीमा ३१०, अन्य ३६ र ब्यापार उपसमूह ३२ अंक घटे ।

सिटी होटल र रावा इनर्जीको मूल्य १० प्रतिशत बढ्यो । बीपीडब्लू लघुवित्त, मोदी इनर्जीको मूल्य १० प्रतिशत घट्यो । कारोबार रकमका आधारमा शिवम् सिमेन्ट, हिमालयन लाइफ इन्स्योरेन्स, सोल्टी होटल, स्वाभिमान लघुविक्त र हिमालयन डिस्टिलरी त्रमशः अगाडि रहे ।