निष्कर्षबिनै न्यायपरिषद्को बैठक सकियो

काठमाडौँ । न्याय परिषद्को बैठक सकिएको छ। न्यायाधीश नियुक्तिको एजेण्डासहित बसेको उक्त न्याय परिषद्को बैठक निष्कर्षबिनै सकिएको हो। न्यायाधीश नियुक्तिका सम्बन्धमा छलफल भएपनि अर्को बैठकमा थप छलफल गर्ने गरी सोमबारको बैठक सकिएको स्रोतले बतायो।

न्यायाधीश नियुक्तिका लागि बसेको बैठकमा प्रस्तावित न्यायाधीशहरुका सम्बन्धमा छलफल भएको थियो । छलफलका क्रममा प्रस्तावित न्यायाधीशको विषय टुङ्गोमा पुग्न नसकिएको र प्रत्येक व्यक्तिको सम्बन्धमा छुट्टाछुट्टै छलफल भएको एक सदस्यले रातोपाटीलाई बताए ।

प्रस्तावित न्यायाधीशहरुको विषयमो परिषद्का सदस्यबचि छलफल नसकिएपछि बुधबार पुनः बैठक बस्ने गरी सोमबारको बैठक सकिएको छ । अब अर्को बैठक असार १३ गते बस्ने निर्णय भएको न्याय परिषद्का प्रवक्ता मानबहादुर कार्कीले जानकारी दिए।