सांसद सिंह भन्छन्- निजगढ अन्तर्राष्ट्रिय विमानस्थल आवश्यक छैन

काठमाडौं। पर्यटन विकासको गुरुयोजना र रणनीतिक योजनाविना कार्यक्रम नल्याउन स्वतन्त्र सांसद डा. अमरेशकुमार सिंहले माग गरेका छन्। शुक्रबार प्रतिनिधिसभा सभाको बैठकमा विनियोजन विधेयक, २०८० अन्तर्गतका शीर्षकमा खर्च कटौतीको प्रस्ताव प्रस्तुतिसहित छलफलमा भाग लिँदै सांसद सिंहले योजना ल्याउनुअघि गहिरो अध्ययन हुनु आवश्यक रहेको बताए।

निजगढ अन्तर्राष्ट्रिय विमानस्थल बनाउन आवश्यक नरहेको बताए। भने,’ हाल निर्मित दुई नयाँ अन्तर्राष्ट्रिय विमानस्थल (भैरहरवा एयरपोर्ट र पोखरा एयरपोर्ट) नै पूर्ण सञ्चालनमा नआएको अवस्थामा निजगढ अन्तर्राष्ट्रिय विमानस्थल बनाउनुपर्ने कुनै आधार छैन।’

उनले फास्टट्रयाक जोड्नका लागि मात्रै एयरपोर्ट निर्माण आवश्यक नभएको बताए।

योजना आयोग कर्मकाण्डी आयोग साबित भएको टिप्पणी गर्दै अल्कालीन,मध्यमकालीन र दिर्घकालीन योजना हुनुपर्नेमा जोड दिँदै योजना बैंक निर्माण गर्न आग्रह गरे।