काठमाडौं । जिम्मेवारीविपरीत गतिविधिमा लागेको आरोपमा प्रदेश नम्बर १ का विभिन्न जिल्लामा सादा पोसाकमा काम गर्ने २३ प्रहरी एकमहिनादेखि थुनामा छन् ।
उनीहरुलाई बाहिर जान नदिई गणमा राखिएको छ । प्रदेश न १ प्रहरी कार्यालयले घुमुवा प्रहरीका नामले चिनिने सादा पोसाकमा काम गर्ने प्रहरीहरुमाथि शुद्धीकरण अभियान सुरु गरेको हो ।
तर ती प्रहरीले भने विना कुनै कारण आफूहरुलाई घर जान समेत नदिई थुनामा राखेर यातना दिइएको भन्दै असन्तुष्टी जनाएका छन् ।
प्रदेश प्रहरी कार्यालयले विभिन्न जिल्लामा कार्यरत २४ जना सादा पोसाकमा कार्यरत प्रहरीले तालिम दिएको थियो । त्यसपछि १० असोजदेखि उनीहरुलाई विराटनगरको रानीस्थित प्रहरी गणमा राखिएको छ । (नयाँ पत्रिका दैनिकबाट)
