बाबुको सालिक निर्माण गर्न स्कुलको प्राङ्गण खन्दै सांसद पौडेल, स्थानीयको चर्को विरोध

काठमाडौँ। माओवादी वागमती प्रदेशका अध्यक्षसमेत रहेका प्रदेश सांसदले आफ्नो बाबुको शालिक निर्माण गर्न सरकारी विद्यालयको प्रांगण खन्न थालेपछि बवाल भएको छ ।

सिन्धुपाल्चोक १ अन्र्तगत ख प्रदेश बाट विजयी भएका सरल सहयात्री पौडेलले आफ्ना पिताको शालिक राख्न स्थानीय भद्रकाली माध्यमिक विद्यालयको चौर जबरजस्ती प्रयोग गर्न लागेका हुन् । बाह्रबिसे नगपालिका ८ मा रहेको भद्रकाली माध्यामिक विद्यालयको नयाँ भवन परिसरमै आफ्नो पिताको शालिक निर्माण गर्ने उनको योजना छ ।

विद्यालयलाई सहयोग गरेको आधारमा व्यास्थापन समिति तथा स्थानीय सरकारले स्विकृति दिएमा विद्यालय परिसमा व्यक्तिको शालिक निर्माण गर्न सकिने भएपनि पौडेलले जवर्जस्ती रुपमा शालिक निर्माणको प्रकृया अघि बढाएको बाह्रविसे नगरले जनाएको छ । त्यसोत नगरपालिकाले यसो नगर्न पौडेललाई पटक पटक अनुरोध पनि गरेका छ । तर, आफ्नै घरको नजिक भएका कारण त्यो अवसर पाउनु पर्ने सांसद पौडेलले बताएको नगरपालिका स्रोतले जानकारी दियो ।