हेर्नुहोस् यस्तो छ आज सुन-चाँदीको मूल्य

काठमाडौँ। आज साताको अन्तिम कारोबार दिन शुक्रबार नेपाली बजारमा सुनको भाउ बढेर कारोबार भइरहेको छ।

अघिल्लो दिन बिहीबार प्रतितोला पाँच सय रुपैयाँले घटेको सुनको मूल्य आज भने बढेको हो। सुनको भाउ तोलामा ८०० रुपैयाँले बढेको छ। योसँगै छापावाल सुन प्रतितोला १ लाख १ हजार ८०० रुपैयाँ र तेजाबी सुन १ लाख १ हजार ३०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

हिजो बिहीबार छापावाल सुनको भाउ प्रतितोला १ लाख १ हजार रुपैयाँ र तेजाबी गोल्ड १ लाख ५०० रुपैयाँमा कारोबार भएको थियो।

यस्तै, आज चाँदीको भाउ स्थिर रहँदै तोलाको १ हजार २२० रुपैयाँ कायम भएको छ। हिजो तोलामा ५ रुपैयाँले घटेर चाँदी १ हजार २२० रुपैयाँमा किनबेच भएको महासंघले जनाएको छ।