राष्ट्रपतिमा भोट माग्दै नेम्वाङसहित एमाले नेता लोसपा कार्यालय पुगे

काठमाडौं। नेकपा एमालेबाट राष्ट्रपतिको उम्मेदवार सुवास नेम्वाङ राष्ट्रपति चुनावमा भोट माग्न लोकतान्त्रिक समाजवादी पार्टीको कार्यालयमा पुगेका छन् । लोसपा अध्यक्ष महन्थ ठाकुरसहित नेताहरूलाई पार्टी कार्यालयमै गएर भेटेर नेम्वाङले राष्ट्रपतिमा सहयोग गर्न आग्रह गरेका हुन् ।

नेम्वाङको साथमा उपमहासचिव पृथ्वीसुब्बा गुरुङ, योगेश भट्टराई, ठाकुर गैरेलगायत नेता गएका थिए । यही २५ गते हुने राष्ट्रपतिको निर्वाचनका लागि नेम्वाङले हिजो बिहीबारदेखि भोट माग्ने अभियान सुरु गरेका छन् । उनले हिजो नेकपा एकीकृत समाजवादी, राष्ट्रिय स्वतन्त्र पार्टी र राप्रपासँग सहयोग मागेका थिए ।

अहिले लोसपा कार्यालयमा पुगेको नेम्वाङ नेतृत्वको एमाले नेताहरू आजै साढे ३ बजे जनमत पार्टी कार्यालयमा जाने कार्यक्रम रहेको छ ।