काठमाडौं । आइतबार रूपन्देहीको तिलोत्तमा नगरपालिका–२ स्थित एक कल सेन्टरमा छापामारी १५० जनालाई पक्राउ गरेको प्रहरीले आज काठमाडौंको तिनकुने स्थित एक कल सेन्टरमा छापा मारेको छ ।
कल सेन्टरको नाममा आपराधिक कृयाकलाप गरिरहेको भन्ने सूचनाको आधारमा प्रहरीको टोलीले उक्त कल सेन्टरमा छापा मारेको जिल्ला प्रहरी परिसर काठमाडौंका एसएसपी भरत बोहराले जनाएका छन् ।
कल सेन्टरबाट थुप्रै ल्यापटपहरू बरामद भएको र छापामारीको काम जारी रहेको हुँदा सबै विवरण नआएका उनले बताएका छन् ।
प्रारम्भिक अनुसंधानमा उक्त सेन्टर चनियाँले व्यक्तिले चलाएको र कल सेन्टरबाट सर्वसाधारणलाई ब्ल्याकमेलिङ गर्ने काम भएको बोहराले जनाए ।
यसैबिच हिजोमात्रै रूपन्देहीको तिलोत्तमाबाट पक्राउ परेकाहरुको सुचनाको आधारमा काठमाडौंको कल सेन्टरमा छापा मापरएको हुनसक्ने बताइएको छ ।
