एमसीसी अनुमोदन गर्न सघाएको भन्दै एमाले र सभामुखलाई सरकारकाे धन्यवाद

काठमाडौं । अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) सदनबाट पारित गर्न सहयोग गरेको भन्दै सरकारले प्रमुख प्रतिपक्षी दल नेकपा एमाले र सभामुख अग्निप्रसाद सापकोटालाई धन्यवाद दिएको छ ।

बुधबार सरकारका प्रवक्ता एवं सञ्चारमन्त्री ज्ञानेन्द्रबहादुर कार्कीले गत सोमबारको मन्त्रिपरिषद् बैठकको निर्णय सुनाउँदै प्रमुख प्रतिपक्षी दल र सभामुखलाई धन्यवाद दिएका हुन् ।

‘एमसीसी अनुमोदनका लागि सहज वातावरण बनाउन सहयोग गर्नुहुने गठबन्धनमा आवद्ध दलहरु, प्रमुख प्रतिपक्ष दल, सभामुख तथा सांसदहरु सबैलाई नेपालसरकारको तर्फबाट हार्दीक धन्यवाद । प्राप्त सहयोग र सद्भावप्रति सम्पूर्ण नागरिक समाजलाई हार्दिक धन्यवाद।’ सरकारको निर्णय सुनाउँदै मन्त्री कार्कीले भने।