आजदेखि दूधमा उपभोक्ता मूल्य ९ रुपैयाँले बढ्यो

काठमाडौं । दूधको उपभोक्ता मूल्य प्रतिलिटर ९ रुपैयाँले बढेको छ ।  दूग्ध विकास संस्थान (डीडीसी)ले  आज शुक्रबारबाट लागू हुनेगरी  ९ रुपैयाँ बढाएको हो ।
 

गत १७ माघमा बसेको मन्त्रिपरिषद्को बैठकले किसानको कच्चा दूधको मूल्य प्रतिलिटर ६ :५२ पैसा बढाएपछि डीडीसीले पनि उपभोक्ता मूल्य बढाएको हो ।सरकारले किसानको दूधमा मूल्यवृद्धि गरेपछि डीडीसीले पनि उपभोक्ता मूल्य प्रतिलिटर ९ रुपैयाँले बढाएर ८५ रुपैयाँ  पुर्याएको छ ।

यसअघि डीडीसीले उपभोक्तालाई मूल्य प्रतिलिटर ७६ रुपैयाँमा बिक्री गर्दै आएको थियो ।सरकारी स्वमित्वको दूग्ध विकास संस्थान (डीडीसी) ले  आजदेखि काठमाडौंमा दूधको मूल्य ८५ रुपैयाँ पुर्याएको छ ।