काठमाडौं। बिगत केहिदिन देखि परेको पानी तथा हिमपातले जनजीवन अस्तब्यस्त भएको बेला सरकारी कर्मचारी भने सरकारी गाडीको दुरुपयोग गरि हिउँ खेल्न मस्त देखिएका छन् ।
स्वास्थ्य कार्यालय बागलुङका क्षयरोग तथा कुष्ठरोग निरीक्षक देवप्रकाश घिमिरे सरकारी गाडी लिएर हिउँमा टिकटक बनाईरहेका छन् । सरकारी गाडी बा २ झ १५३८ मा हिउँ पर्यो, ठकठकी जाँडो भो भन्ने गीतमा टिक बनाएको देबप्रकाश घिमिरेको टिकटक अहिले सामाजिक सञ्जालमा भाइरल छ ।
सरकारी गाडी दुरुपयोग गरेका समाचार बेला बेलामा आइरहन्छन र पनि सरकारका उच्चपदस्थ ब्यक्ति नै यसरी सरकारी सम्पतिमा रजाँइ गरिरहेका छन् । सार्वजनिक बिदाका दिन सरकारी गाडी प्रयोग गर्न पाइँदैन ।
अत्यावश्यक काममा चलाउँदा प्रमुख जिल्ला अधिकारीबाट अग्रिम पास लिनुपर्छ । निरीक्षक देवप्रकाश घिमिरे पास नलिई सरकारी गाडी लिएर बिभिन्न ठाउँमा पुग्दै नयाँ नयाँ टिकटक बनाउँदै हिडेका छन्।
यस्तो छ देबप्रकाश घिमिरेले बनाएको टिकटक भिडियो ।
