Nepal Face
  • सोमबार, १ मंसिर २०८३
  • पोलिटब्यूरो चयनप्रति महेश बस्नेत असन्तुष्ट, काम गर्ने छोरालाई ओलीले माया गरेनन्


    आइतबार, मंसिर २६ २०७८
    1.2K
    Shares
    Basu Dev Paudel
  • ३ मिनेट पाठ
  • काठमाडौं । एमालेका केन्द्रीय सदस्य महेश बस्नेतले पार्टीको पोलिटब्यूरो सदस्यको चयनमा भएको मनपरीतन्त्रप्रति असन्तुष्टि प्रकट गरेका छन् । आफूले कठिन परिस्थितिमा एमालेको संगठन बिस्तारका लागि काम गरेको भए पनि पोलिटब्यूरो सदस्य नबनाइएकोमा उनले घुमाउरो भाषामा पार्टी अध्यक्ष केपी शर्मा ओलीको बिरोध गरेका छन् ।

    बाबुआमाले दिनरात नभनी, झरीबादल नभनी काम गर्ने माइलो छोरालाई माया नगरेको र माया गरेको नाटक मात्र गर्दैआएका जेठा र कान्छा छोरालाई बढी महत्व दिएको भन्ने बिम्ब प्रयोग गरेको भन्दै एमालेको संगठन निर्माणमा आफूले गरेको योगदानको मूल्यांकन नगरेकोमा सांकेतिक रुपमा ओलीप्रति कटाक्ष गरेका छन् । सामाजिक संजालमा बस्नेतले अध्यक्ष ओलीले आफूलाई पोलिटब्यूरोमा नलगी संगठनमा काम नगर्नेहरुलाई लगेको आक्षेप पनि लगाएका छन् ।

    एमालेको शनिबारदेखि सुरु भएको केन्द्रीय समिति बैठकले बस्नेतलाई पोलिटब्यूरो सदस्य बनाएन । तर ७० करोड रुपैयाँ घुस डिल गरेको अडियो सार्वजनिक भएपछि मन्त्रीबाट राजीनामा दिएका गोकुलप्रसाद बास्कोटा, गुलाबजंग शाह, कृष्ण राई, इश्वरी रिजाल, जीतबहादुर गौतम, खिमलाल भट्टराई, कमल चौलागाईहरुलाई ओलीले पोलिटब्यूरोमा लगेको र आफूलाई छुटाएकोमा बस्नेतले असन्तुष्टि प्रकट गरेका हुन् । रातदिन पार्टी काममा लगाउने तर जिम्मेवारी दिने बेलामा भने न्याय नगरेकोमा उनले असन्तुष्टि पोखेका छन् ।

    काम गर्नेलाई भने आफ्नो छोरो नै होइन जस्तो ब्यवहार गर्ने बाबु आमासँग उनले ओलीलाई तुलना गर्दै लेखेका छन््–‘एकजना प्रतिष्ठित ब्यक्तिका ३ छोराहरुमा जेठा र कान्छा, अग्ला र गोरा रहेछन् भने माइला होचा र कालो रहेछन् । जेठा र कान्छा छोराहरु भने बाआमा र घरको माया गर्ने भन्दा पनि माया गरेको नाटक गर्दा रहेछन् ।

    माइलो छोरो दिनरात नभनी झरी बादल नभनी बा आमा र घर परिवारको सेवा गर्र्दोहेछ । तर बाले माइलो छोरालाई खास माया गर्दारहेनछन्  उनको मनमा यी २ भन्दा रुप रङमा यो फरक छ । यो मेरो छोरा होइन कि भन्ने आशंका रहेछ । उनको मनमा त्यो बिचारले डेरा जमाएका कारण माइला छोरालाई काममा चाहिँ जोत्ने तर खास वास्ता र माया नगर्ने रहेछन् ।’

    प्रतिक्रिया
    सम्बन्धित समाचार
    ताजा समाचार