काठमाडौंमा भेरोसेलको दोस्रो डोज असोज ४ गतेदेखि, १८ वर्षमाथिका सबै नागरिकलाई लगाइने

काठमाडाैं । चीनबाट खरिद गरी आज (शुक्रबार) एकै दिन ल्याइएको ४४ लाख कोभिड–१९ विरूद्धको भेरोसेल खोप काठमाडौं आइपुगेको छ । 

विमानस्थल स्रोतका अनुसार शुक्रबार दिउँसो २ बजे नेपाल एयरलाइन्सको जहाज खोप लिएर त्रिभुवन अन्तर्राष्ट्रिय विमानस्थल आइपुगेको हाे ।

काठमाडौमा असोज ४ गतेदेखि चिनियाँ भेरोसेल खोपको दोस्रो डोज लगाइने भएको छ । पहिलो डोज लगाएकाहरुलाई ३ दिनसम्म चिनियाँ खोप भेरोसेलको दोस्रो डोज लगाइने स्वास्थ्य मन्त्रालयलले जनाएको छ । 

स्वास्थ्य राज्यमन्त्री उमेश श्रेष्ठका अनुसार १८ वर्षमाथि उमेर समूहका नागरिकलाई खोप लगाइने छ । 

काठमाडौं महानगरपालिकाको ३२ वटै वडामा खोप लगाइँदैछ । वडाभित्रको तोकिएको ठाउँमा कार्ड देखाएर खोप लगाउन सकिने मन्त्रालयले जनाएको छ । 

यी हुन् खोप केन्द्र