काठमाडौं । बुधबार निवर्तमान प्रधानमन्त्री एवं नेकपा एमाले अध्यक्ष केपी शर्मा ओलीले बालुवाटारस्थित सरकारी निवास तामझामका साथ छाडेका छन् । बुधबार उनी आफ्नै निजी निवास बालकोट सरेका हुन् ।
ओलीले सरकारी निवास छोड्दै गर्दा उनको स्वागतमा एमाले कार्यकर्ताहरु बालुवाटारस्थित सरकारी निवासमा भेला भएका थिए । बालुवाटारमा ओलीको बिदाइका लागि उनका समर्थकको भिडभाड व्यवस्थापन गर्नु प्रहरीका लागि चुनौति बनेको थियो। ओलीलाई स्कर्टिङ गर्न सवारी साधनसहित बालुवाटार पुगेका ओलीका समर्थकको भिडभाडका कारण मुल सडकको सवारीलाई केही बेर रोकिएको थियो ।
बालुवाटारको गेटबाट ओली निस्केसँगै सुरु भएको झरीमा रुझ्दै उनको पक्षमा नारा शुरु भए- ‘केपी बा आइ लभ यू’, ‘आज होइन भोलिलाई, १० वर्ष ओलीलाई’। नारा सुनेर ओली भने दंग थिए । निस्कदै गर्दा गाडीको झ्यालको सिसा खोलेर ओलीले मुस्कान सहित समर्थकका लागि हात हल्लाए र बालुवाटारबाट बाहिरिएका थिए ।
अदालतको आदेशबाट अपदस्थ भएका ओलीले बाध्य भएर बालुवाटार छाडेको भए पनि समर्थकले भने ओलीको बहादुरी ठानिरहेका थिए। त्यसो त ओलीले बालुवाटार सजिलै छाडेका भने होइनन्। सर्वोच्च अदालतको आदेशले अपदस्थ भएपछि बाध्य भएर ओली बालुवाटरबाट ‘ब्याक’ हुनुपरेको हो।
एमाले नेता एवं ओलीनिकट मानिने नेता महेश बस्नेतले ओलीलाई बालुवाटारदेखि निजी निवाससम्म नेता कार्यकर्ताले स्टिमिङ्ग र स्वागत गर्दै बालकोट लग्ने व्यवस्था मिलाएका थिए।
२८ असारमा सर्वोच्च अदालतले प्रतिनिधिसभा पुनःस्थापित गर्दै प्रधानमन्त्रीमा शेरबहादुर देउवालाई नियुक्त गर्न परमादेश दिएपछि ओली पदमुक्त भएका हुन्।




(फोटो : सूर्य थापाको फेसबुकबाट)
काठमाडौं। निर्वतमान नेपाल प्रहरीको महानिरीक्षक (आईजीपी)दानबहादुर कार्कीले दायर गरेको रिटमाथि बहस सकिएको छ। न्यायाधीश श्रीकान्त पौडेलको इजलासमा बहस सकिएको हो। दुवै पक्षका कानुन व्यवसायीको...
काठमाडौँ । नेकपा एमालेका अध्यक्ष केपी शर्मा ओलीले वर्तमान सरकारप्रति कटाक्ष गरेका छन् । उनले रास्वपा नेता बालेन्द्र शाह नेतृत्वको सरकार बनेपछि समाज उल्टोबाटोतिर...
काठमाडौँ । पूर्व शिक्षामन्त्री सुमना श्रेष्ठले आगामी स्थानीय तह निर्वाचनमा काठमाडौँ महानगरपालिकाको मेयर पदमा उम्मेदवारी दिने घोषणा गरेकी छन्। उनले आफ्नो सचिवालयको फेसबुक पेजमार्फत उक्त...
काठमाडौँ। नेकपा एमालेका अध्यक्ष केपी शर्मा ओलीले जुनसुकै समयमा सरकारविरुद्ध आन्दोलनमा उत्रिनुपर्ने अवस्था आउन सक्ने भन्दै मानसिक र साङ्गठनिक रूपमा तयार रहन पार्टीपंक्तिलाई निर्देशन...
काठमाडौँ । राष्ट्रिय स्वतन्त्र पार्टी (रास्वपा) का सांसद पारसमणि गेलालको सचिवालयले निर्वाचनका क्रममा प्रधानमन्त्री वालेन्द्र शाह, रास्वपा सभापति रवि लामिछाने तथा सांसद गेलाल र...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend