बालुवाटारमा नेकपाको बैठक जारी

काठमाडौ, २४ बैशाख । प्रधानमन्त्री निवास बालुवाटारमा सत्तारूढ नेपाल कम्युनिष्ट पार्टीको सचिवालय बैठक अहिले जारी छ।
 बैठकले भोलि बस्ने पार्टीको स्थायी कमिटीमा पेस हुने प्रस्तावबारे छलफल हुने बताइएको छ।
बैठकमा पछिल्लो समय नेकपाभित्र जारी आन्तरिक विवादबारे पनि छलफल हुनेछ। 

नेकपामा अहिले प्रधानमन्त्री केपी शर्मा ओली र अर्का अध्यक्ष्य पुष्पकमल दाहाल ‘प्रचण्ड’ र बरिष्ठ नेता माधवकुमार नेपाल समूहबीच विभिन्न विषयमा विवाद देखिएको छ। 
पार्टी फुटको संघारमा पुगेको नेकपामा गत २० गते बसेको सचिवालय बैठकपछि ‘युद्धविराम’ जस्तो अवस्था छ। 

भोलिदेखि सुरू हुने स्थायी कमिटी बैठकमा यसबारे विस्तृतमा छलफल हुनेछ।