मन्त्रिपरिषद बैठक १२ बजे बस्दै, लकडाउन लम्ब्याउने तयारी

काठमाडौं, २४ बैशाख । नेपालगंजमा दुई दिनको अन्तरालमा २२ जनामा कोरोना संक्रमण देखियो । काठमाडौंमा पनि सनसिटी अपार्टमेन्टमा कोरोना संक्रमित एक ब्यक्तिमा पुनः संक्रमण देखिएपछि सरकार लकडाउन खुकुलो होइन, थप कडा बनाउने तयारीमा छ । संभवतः आज दिउँसो १२ बजे बस्ने मन्त्रिपरिषदको बैठकले लकडाउन अवधि जेठ पहिलो सातासम्म लम्ब्याउने छ ।
प्रधानमन्त्री केपी ओलीसमेत उपस्थित कोभिड–१९ नियन्त्रण तथा रोकथाम उच्चस्तरीय समन्वय समितिको मंगलबारको बैठकले लकडाउन जेठ पहिलो सातासम्म लम्ब्याउने सिफारिस गरेको छ । समितिको सिफारिसका आधारमा सरकारले जेठको पहिलो हप्तासम्म लकडाउन थप्ने तयारी गरेको छ ।

सरकारले कोरोना संक्रमण रोक्नका लागि लकडाउन गरेको ४४ दिन बितिसकेको छ ।