Nepal Face
  • मंगलबार, २ मंसिर २०८३
  • वालेन्द्र, रवि र दुई सांसदसँगै देखिएका तस्बिर पोष्ट गर्नेलाई नगद पुरस्कार


    मंगलबार, मंसिर २ २०८३
    85
    Shares
    नेपाल फेस
  • १ मिनेट पाठ
  • काठमाडौँ । राष्ट्रिय स्वतन्त्र पार्टी (रास्वपा) का सांसद पारसमणि गेलालको सचिवालयले निर्वाचनका क्रममा प्रधानमन्त्री वालेन्द्र शाह, रास्वपा सभापति रवि लामिछाने तथा सांसद गेलाल र सूर्य लामासँगै देखिएका तस्बिर वा भिडियो पठाउन आह्वान गरेको छ ।

    सचिवालयले आफ्नो फेसबुक पेजमार्फत सूचना घोषणाजारी गर्दै प्रतिनिधि सभा सदस्य निर्वाचन, २०८२ का क्रममा खिचिएका ती तस्बिर र भिडियोको प्रतियोगिता फागुन १२ गते आयोजना गर्ने जनाएको छ । प्रतियोगिताबाट तीन जना विजेता छनोट गरी नगद पुरस्कार दिइनेछ ।

    सूचनाअनुसार सहभागीले आफूले खिचेको तस्बिर वा भिडियो सचिवालयमा पठाउनुका साथै आफ्नै सामाजिक सञ्जालमा पनि पोस्ट गर्नुपर्नेछ । पुरस्कारको रकम पछि भिडियो सन्देशमार्फत सार्वजनिक गरिने सचिवालयले जनाएको छ ।

    उदयपुर-१ बाट निर्वाचित सांसद गेलालको सचिवालयले गरेको उक्त घोषणाको सामाजिक सञ्जालमा आलोचना भएको छ ।

    प्रतिक्रिया
    सम्बन्धित समाचार
    ताजा समाचार