मोरङका विभिन्न स्थानबाट १४ लाखभन्दा बढी मूल्यका सामान बरामद

बिराटनगर । मोरङ जिल्लाको बुढीगंगा गाउँपालिका–१ टंकीसिनवारी र सीमा इलाकाबाट साउन ४ गते सशस्त्र प्रहरीले १४ लाख ८६ हजार ४ सय ८० रुपैयाँ बराबरका चोरीपैठारीका सामान र एक व्यक्तिलाई नियन्त्रणमा लिएको छ ।

भारतबाट अवैध रुपले नेपालतर्फ ल्याउँदै गरेको सामानसहित सोही जिल्लाको बिराटनगर महानगरपालिका–१७ रानीबस्ती बस्ने ३२ बर्षीय मोहमद अफजललाई सशस्त्र प्रहरी बल नेपाल नं. ३ कंकालिनी गण मोरङ र सीमा सुरक्षा गुल्म रानीले नियन्त्रणमा लिएको हो ।

बरामद भएका सामानहरुमा लत्ताकपडा, कस्मेटिक तथा किराना सामान, औषधी, सिटी सफारी र स्कुटर रहेका छन् । नियन्त्रणमा लिइएका व्यक्ति, बरामद सामान तथा स्कुटर आवश्यक कारबाहीका लागि बिराटनगर भन्सार कार्यालय मोरङमा बुझाइएको छ ।