सीआईबीद्वारा पूर्वमन्त्री दीपक खड्का पक्राउ, सम्पत्ति शुद्धीकरणको आरोप

काठमाडौं । पूर्व ऊर्जा मन्त्री तथा नेपाली कांग्रेसका नेता दीपक खड्का पक्राउ परेका छन् । उनलाई आइतबार बिहान नेपाल प्रहरीको केन्द्रीय अनुसन्धान ब्यूरो(सीआईबी)ले नियन्त्रणमा लिएको हो ।

खड्कालाई सम्पत्ति शुद्धीकरणको अभियोगमा पक्राउ गरिएको सीआईबी स्रोतले बताएको छ ।

भदौ २४ गते उनको निवासमा भएको आगजनी घटनापछि गरिएको अनुसन्धानका क्रममा नेपाली रुपैयाँसहित विभिन्न विदेशी मुद्रा फेला परेका थिए ।

उनी स्काउटको जग्गा हिनामिना प्रकरणमा पनि मुछिएका थिए । उनीमाथि अब सिआइबीले अनुसन्धान गर्ने छ । उनले स्काउटको जग्गा लिजमा लिएबापतको भाडासमेत नतिरेको आरोप छ ।

खड्का ल्याण्ड प्रालिले स्काउटको जग्गा लिजमा लिएको, दिएभन्दा बढी जग्गा अतिक्रमण गरी संरचनना निर्माण गरेको आरोप लाग्ग्दैआएको छ ।