बालेन मन्त्रिपरिषदमा आचार्य, झा र कार्की अटाएनन्

काठमाडौं । बालेन्द्र शाह नेतृत्वको नवनिर्वाचित सरकारमा मन्त्री हुने चर्चाको शिखरमा रहेका राष्ट्रिय स्वतन्त्र पार्टी(रास्वपा)का उच्चतह(हाइप्रोफाइल) नेताहरु नै मन्त्रीमा समेटिन सकेनन् ।

रास्वपाका उपाध्यक्ष डीपी अर्याल, प्रवक्ता मनिष झा, नेतृ डा. तोसिमा कार्की, सहमहामन्त्री विपिन आचार्य मन्त्रीमा पर्न सकेनन् । मन्त्रालयको संख्या २० बाट १५ मा झारिएपछि रास्वपाका १८२ सांसदमध्ये १५ जनाले मात्र मन्त्री हुने मौका पाएका छन् ।

रास्वपा सभापति डीपी अर्याललाई लामिछानेले गृहमन्त्री बनाउने चर्चा निर्वाचन सम्पन्न भएदेखि नै सुरु भएको थियो । तर, प्रधानमन्त्री बालेन्द्र शाहले सुनिल लम्साललाई आफ्नो तर्फबाट गृहमन्त्रीमा अगाडि सारेपछि बीचको बाटोबाट सुधन गुरुङलाई ल्याइएको स्रोत बताउँछ । अर्याल अब सभामुख हुनेछन् ।

डा. तोसिमा स्वास्थ्य तथा जनसंख्या मन्त्रीका रुपमा चर्चामा थिइन् । तर उनी पनि परिनन् । उनी यसअघि एकपटक स्वास्थ्य राज्यमन्त्री भइसकेकी छन् । दाङ २ बाट निर्वाचन जितेका बिपीन आचार्य पनि महत्वपूर्ण मन्त्रालयको मन्त्री हुने चर्चामा थिए । तर उनी पनि मन्त्रीमा परेनन् ।