पर्सा । बीरगञ्ज महानगरपालिका वडा नं. ६ स्थित जय माँ अम्बे ट्रेडर्सबाट अबैध हुन्डी कारोबारी जयराम राउत कुर्मीलाई करिब १६ लाख नगद र चेकसहित प्रहरीले मंगलबार पक्राउ गरेको छ ।
उक्त ट्रेडर्सका कर्मचारीबाट स्रोत खुल्न नसकेको ७ लाख ७५ हजार ४ सय ७० रुपैयाँ र ७४ हजार भारु बरामद भएको छ । राउतकोे साथबाट बब्लु राजको नाममा जारी भएको २ लाख रुपैयाँ र रामप्रसाद पटेलको नाममा जारी भएको ५ लाख ५० हजार रुपैयाँ बराबरका चेकसमेत प्रहरीले बरामद गरेको छ ।
राउतलाई बैंक तथा वित्तीय संस्था सम्बन्धी ऐन, २०७३ बिरुद्धको कसुरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता ओमप्रकाश खनाल जानकारी दिएका छन् ।
साथै उक्त ट्रेडर्सका सञ्चालक हाल फरार रहेकाले उनको खोजतलास भइरहेको जानकारी खनालले दिए ।
