देश जल्दा खुसी हुने सेलिब्रेटीहरू, निश्चल बस्नेत, दीपकराज गिरीदेखि बिजय लामासम्म

काठमाडौं । सिंहदरबार जलाउँदै गर्दा चर्को नारा लगाउने संगीतकार चेतन सापकोटा, संघीय संसद भवन जलेकोमा खुसी भएका कलाकार निश्चल बस्नेत, फुटबलर अमनप्रताप अधिकारीदेखि यूलनेस स्कुल जलाएकोमा हर्षबिभोर भएर युवाहरुसँग सेल्फी लिने क्याप्टेन बिजय लामासम्मका समाजले सेलिब्रेटीका रुपमा लिएकाहरुको सोंच र दिमाग देखेर नेपालका सभ्य नागरिक नै लज्जित हुनुपरेको छ ।

निश्चल बस्नेतले संघीय संसद जलेकोमा खुसी प्रकट गरेको भिडियो सार्वजनिक भइसकेको छ । अमनप्रताप अधिकारीले संसद भवन जलेपछि नेताहरुलाई गाली गर्ने क्रममा देशलाई नै जलाएकोमा खुसी प्रकट गर्दै तिमीहरुको देश जलेर सिद्धियो भन्दै मा..मु. जस्ता सुन्नै नसकिने अश्लील शब्द बोलेको भिडियो आफ्नै टिकटक एकाउन्टमा राखेका छन् । जसले उनको साेंच कति कुहिएको छ भन्ने देखाउँछ ।

राष्ट्रका सम्पदा, भवन जल्दा खुसी हुने, जलाउने सेलिब्रेटीहरुको सोंच र र दिमागलाई लिएर सामाजिक संजालमा चिन्ता प्रकट भइरहेको छ । सामाजिक संजालमा पूर्वराष्ट्रसेवक महादीप पोखरेल लेख्छन्–‘नेपालका अधिकांश सेलेब्रेटीहरुको सोंच ,दिमाग कति कुहिएको छ भन्ने कुरा देश जलिरहँदा तिनीहरुले मनाएको उत्सब देखेर थाहा हुन्छ, जिन्दगीमा एक थान अमेरिकी भिसाको अभिष्ट र रंगीन जिन्दगीको आशमा बाँच्नेहरु यस्तै हुन्छन् ।

‘मलाई मेरो देश चाहियो’ भन्दै कुर्लिने तिब्बतीयन ब्लड र ‘तेरो देश जलेर सिद्धियो’ भन्ने तथाकथित कलाकारहरु २४ गतेको विध्वंसका मुख्य कारक हुन् किन नभन्ने ??

महादीप पोखरेलको फेसबुक स्टाटस