रायको अध्यक्षतामा स्थानीय तह कर्मचारी संघको मधेश प्रदेश समिति गठन

जनकपुर । स्थानीय तह कर्मचारी संघ, नेपाल मधेश प्रदेशको दोस्रो अधिवेशन सम्पन्न भएको छ । शनिबार सुरु भएर आइतबार सम्पन्न भएको अधिवेशनले रामइश्वरी रायको अध्यक्षतामा ११ सदस्यीय कार्यसमिति निर्वाचित गरेको छ ।

कार्यसमितिको उपाध्यक्ष(महिला)मा प्रतिज्ञा बैद्य, सचिवमा मन्जित यादव, सहसचिवमा डम्बरनारायण यादव, सहसचिवमा राजनारायण यादव र कोषाध्यक्षमा विमल जोशीलाई चयन गरेको छ ।
त्यसैगरी सदस्यहरुमा सरिता परियार, सुजनदास पटेल, कविता बस्नेत, शेष अरिफ, गणेशकुमार यादव छन् । बाँकी ४ जना सदस्य कार्यसमितिले पछि मनोनीत गÞर्ने जनाइएको छ ।

स्थानीय तह कर्मचारी संघ नेपालको मधेश प्रदेश र सर्लाही जिल्ला अधिवेशनको प्रमुख अतिथि मधेश प्रदेशका खेलकुद तथा समाजकल्याण मन्त्री प्रमोद जैसवाल थिए । विशेष अतिथिका रुपमा स्थानीय तह कर्मचारी संघका अध्यक्ष नारायणप्रसाद शर्मा, पूर्वअध्यक्ष हरिकुमार श्रेष्ठ, महासचिव शम्भु बराल लगायत थिए ।

त्यसैगरी, स्थानीय तह कर्मचारी संघ नेपाल सर्लाही जिल्लाको चौथो अधिवेशन पनि आइतबारै सम्पन्न भएको छ । संघको सर्लाही जिल्ला अधिवेशनले ा रामध्यान राय अध्यक्षतामा कार्यसमिति चयन गरेको छ । जसको उपाध्यक्ष(महिला)मा शिक्षा न्यौपानेलाई चयन गरेको छ ।

त्यसैगरी सचिवमा चन्द्रेश्वर यादव, सहसचिवमा सुरेश सहनी, कोषाध्यक्षमा अबधेस झा चयन भएका छन् ।

सदस्यहरुमा क्रमशः रुपेशप्रसाद यादव, अशोक गुप्ता , सीताराम पाण्डे, उपेन्द्र महतो, देवनारायण शाह र रामचन्द्र राय चयन भएका छन् ।