काङ्ग्रेसका शुभेच्छुक संस्था अस्तब्यस्त, कर्मचारीमा पोखरेल र कटुवालले निम्त्याए भाँडभैलो

काठमाडौं । नेपाली काङग्रेस पार्टीका शुभेच्छुक संस्थाहरु अस्तब्यस्त बनेका छन् । नेपाल निजामती कर्मचारी युनियन अध्यक्ष गोपाल पोखरेल, बरिष्ठ उपाध्यक्ष उत्तम कटुवाल र महासचिव जनक रावलको विवादले उच्च अदालतमा मुद्दासम्म परेको छ ।

गोपाल पोखरेल र उत्तम कटुवालले बिधानबिपरीत निर्णय गराएको हुँदा उक्त निर्णय बदर गराउन जनक रावल समूह उच्च अदालत जान बाध्य भएको छ । कांग्रेसको शुभेच्छुक संस्था नेपाल निजामती कर्मचारी युनियन पछिल्ला दिनमा द्वन्द र विवादको केन्द्र भएको छ । विवाद ब्यवस्थापनमा पार्टीको ध्यान पुगेको छैन । निजामती ऐन निर्माण हुन लागेको छ । निजामती कर्मचारी धेरै समस्याबाट पीडित छन् । तर पदाधिकारीहरु स्वार्थको लडाइँमा लागेका छन् ।

नेपाल स्वास्थ्यकर्मी संघमा अध्यक्ष रामजी घिमिरे र महासचिव दिपकराज भट्टको बर्षौदेखिको विवाद पनि पार्टीले हल गर्न सकेको छैन । विवाद समाधान नभएपछि नेपाल स्वास्थ्यकर्मी संघ निजामती सेवा ऐन अनुसार दर्ता भएको ट्रेड युनियन नवीकरण हुन नसकेर खारेज भएको छ । महाधिबेशन भएको लामो समय भएर पदाबधि सकिंदा पनि नयाँ महाधिवेशनको शुरुवात छैन ।

नियमानुसार ट्रेड युनियन दर्ताको शुरुवात छैन । रामजी घिमिरे सरकारी सेवाबाट निबृत्त पश्चात् श्रम ऐन, ट्रेड युनियन ऐन अनुसार प्रतिष्ठानस्तरमा दर्ता भएको नेपाल स्वास्थ्यकर्मी संघको प्रमाणपत्र बोकेर नेपाल ट्रेड युनियन काङ्ग्रेसको अफिस जाने गरेका छन् ।

स्वास्थ्य स्वयंसेवी संघ हेभोन नामक महिला स्वास्थ्य स्वयंसेविकाको नाममा पीएसआई इन्टरनेशनल र यूएनआइबाट बिदेशी फन्ड डलर ल्याएर डलर खेती गरिरहेका छन् । नेपाली काङ्ग्रेसको शुभेच्छुक संस्था नेपाल नर्सिङ युनियनको स्थापनाकालदेखि जानकी केसी हालसम्म अध्यक्ष छन् । नयाँ महाधिबेशन भएको छैन ।

प्रजातन्त्रवादी चिकित्सक संघको पनि अवस्था प्रभावकारी छैन । नेपालका ट्रेड युनियनहरु अमेरिकन डिप स्टेटको प्रभावमा रहेका छन् । आइएलओ १६९ पास गराउन नेपालका धेरै नेताहरुलाई प्रभावमा पारेको अमेरिकी पूर्व सिआईएका पदाधिकारीले बताएका छन् । यो लगानी समुदायमा काम गर्ने महिला स्वास्थ्य स्वयंसेविकासम्म आएको छ ।