कांग्रेसनिकट कर्मचारी युनियनमा अप्रजातान्त्रिक क्रियाकलाप, स्वास्थ्यकर्मी संघमा भद्रगोल

काठमाडौं । नेपाली काङ्ग्रेस पार्टीका शुभेच्छुक संस्थाहरुमा अप्रजातन्त्रिक क्रियाकलापले सीमा नाघेको छ । शुभेच्छुक संस्थाका नेतृत्वका क्रियाकलापले जग हँसाउने काम गरेको छ ।

जहिले पनि भाँडभैलो मच्चिने गरेको कांग्रेसनिकट नेपाल निजामती कर्मचारी युनियनमा अर्को काण्ड घटेको छ । यसअघि निवर्तमान अध्यक्ष गोपाल पोखरेल र केन्द्रीय समितिको बैठकबाट आफूलाइ जबर्जस्ती अध्यक्ष घोषणा गरेका बर्तमान कार्यवाहक अध्यक्ष उत्तम कटुवालले बिधानबिपरीत निर्णय गरेको बिषय अदालतसम्म पुगेको थियो ।

गएको बैशाखमा आफू अनिवार्य अवकाशमा गएपश्चात् गोपाल पोखरेलले उत्तम कटुवाललाई कार्यबाहक अध्यक्षको जिम्मेबारी दिएर गएका थिए । हालै उत्तम कटुवालले केन्द्रीय समितिको बैठकबाट आफूलाई अध्यक्ष भएको घोषणा गरेका छन् भने उपाध्यक्ष रहेका यज्ञ ओलीलाई बरिष्ठ उपाध्यक्षको पदमा बढुवा गरेका छन् । महाधिवेशनबाट कुनै पनि पदमा निर्वाचित अथवा सर्वसम्मत हुने ब्यवस्था छ ।

केन्द्रीय समितिको बैठकबाट भागशान्ति पद बाँडेर लिने बिधानलाई टोकरीमा मिल्काउने अप्रजातान्त्रिक काम प्रजातन्त्रवादी पार्टी नेपाली काङ्ग्रेसकै शुभेच्छुक संस्थामा भएको छ । जुन सुहाउने बिषय नभएको भन्दै उपाध्यक्ष यज्ञ ओलीले बिरोध गरेका छन् ।

नेपाली काङ्ग्रेसको अर्को शुभेच्छुक संस्था नेपाल स्वास्थ्यकर्मी संघ पनि अबैधानिक तरिकाले संचालन भइरहेको छ । बिगतमा रामजी घिमिरे अध्यक्ष हुने समयसम्म सरकारी र निजी स्तरका दुबै दर्ता ट्रेड युनियन आफैंले अध्यक्ष भएर संचालन गरेका थिए तर हाल कार्यबाहक दिने बेला सरकारीस्तरको ट्रेड युनियनको कार्यबाहक रमिला चैलागाइलाई दिएको छ भने निजी स्तरको कार्यबाहक साहिली गिरीलाइ दिइएको छ ।

निजी प्रतिष्ठानस्तरको ट्रेड युनियनको श्रम बिभागमा नवीकरण गरिएको छ । सरकारीस्तरको ट्रेड युनियन निजामती ऐनअनुसार दर्ता भएको नेपाल स्वास्थ्यकर्मी संघ नवीकरण नभएर दर्ता खारेज भएको छ ।

रामजी घिमिरे पीएसआई इन्टरनेशनल लगायतका भोजभतेरमा ब्यस्त हुने, महासचिव दीपकराज भट्ट शेरबहादुर देउवा, आरजु देउवा, भानु देउवा र रमेश लेखकको नाम भजाएर सरुवा, बढुवा र ठेक्कापट्टामा ब्यस्त हुँदा संस्थालाई धरासायी बनाएको आरोप कांग्रेसनिकट स्वास्थ्यकर्मीहरुले लगाउने गरेका छन् । रामजी घिमिरेले बिधानबिपरीत कार्यबाहक अध्यक्ष दिएको आरोप छ । रमिला चौलागाईं अध्ययन बिदा लिएर धरान पढ्न गएकी छन् । दीपकराज भट्ट असाधारण बिदा लिएर प्रोजेक्टमा काम गरिरहेका छन् । स्वास्थ्यकर्मी संघको बिधान, दर्ता सबै अबैधानिक रहेकाले जेनजीको सरकारले चासोका साथ हेरेमा खारेज हुनेछन् ।

समाजमा स्वच्छ पवित्र सेवा काम गर्ने महिला स्वास्थ्य स्वयंसेविकाहरुलाई ट्रेड युनियनमा आबद्व गराएर डलर खेती गर्ने काम गरिएको छ । नेपाल स्वास्थ्य स्वयंसेवक संघको अध्यक्ष बसन्ती महर्जन छिन् । यो संस्था नेपाल ट्रेड युनियन काङ्ग्रेससँग नजिक छ । नेपाल स्वास्थ्य स्वयंसेवी संघका अध्यक्ष गीतादेवी थिङ छन् । यो जिफन्ट नजिक रहेको छ । यी दुबै महिला स्वास्थ्य स्वयंसेविका सम्बन्धी ट्रेड युनियन पीएसआई इन्टरनेशनलसँग आबद्व रहेका छन् । कोही यूएनआईसँग पनि आबद्व छन् ।

बाहिरी आवरण ट्रेड युनियनको अन्तर्राष्टिय संघ भनिएता पनि अप्रत्यक्ष रुपमा शक्तिराष्ट्रहरुको डिपस्टेट को स्रोत लगानी भएको स्रोत बताउँछ । नेपालमा भएका ६० हजार महिला स्वास्थ्य स्वयंस्वयंसेविकामा शक्तिराष्टहरुको अप्रत्यक्ष लगानी भएकाले कुनै दिन बिष्फोटक पनि हुन सक्दछ । यो बिषयमा ट्रेड युनियनका नेता, नेपाल सरकारका पदाधिकारी तथा सम्बद्व नेताहरु सचेत भएको पाइँदैन ।