कार्यव्यवस्था परामर्श समितिको बैठक सिंहदरवारमा जारी

काठमाडौं – सभामुख देवराज घिमिरेले हिउँदे अधिवेसनका लागि तयारी तिब्र पारिएको छ । माघ १८ गते देखी सुरू हुने हिउँदे अधिवेसनका लागि सभामुख घिमिरेले सत्ता पक्ष र प्रतिपक्षका नेता, प्रमुख सचेतक लगायतसँग छलफलका कार्यक्रम तिब्र बनाएको हो ।

जसअनुसार सभामुख घिमिरेले अहिले कार्यव्यवस्था परामर्श समितिको बैठक सिंहदरवारमा जारी रहेको छ । साथै, विधेयक रहेका संसदीय समितिका सभापतिसँग पनि सभामुख घिमिरेले अलग अलग संवाद गरिरहेको उनका प्रेस संयोजक शेखर अधिकारीले जानकारी दिए ।

हिजो प्रमुख पाँच दलका मुख्य सचेतक र प्रमुख सचेतकसँग सिंहदरवारमा छलफल गरिएको थियो भने सो अघि सत्तापक्षका मुख्य सचेतक, प्रमुख सचेतकसँग छलफल गरेका सभामुख घिमिरेले सो पछि दिउँसो २ बजे प्रमुख प्रतिपक्ष तथा प्रतिपक्षी दलका प्रमुख सचेतकसँग छलफल गरेका थिए ।