ममाथि लागेका आरोप सही नठहरिए प्रचण्डले अध्यक्ष पद त्याग्नुपर्छः प्रधानमन्त्री ओली

काठमाडौं । नेपाल कम्युनिष्ट पार्टी(नेकपा)को बुधबारको सचिवालय बैठकमा अध्यक्ष तथा प्रधानमन्त्री केपी शर्मा ओलीले आफूमाथि अर्का अध्यक्ष पुष्पकमल दाहाल ‘प्रचण्ड’ले लगाएका आरोप बोकेर पदीय जिम्मेवारीमा रहन नमिल्ने उल्लेख गरेका छन् । कि त आफूमाथि लागेका आरोप सदर हुनुपर्यो, कि त आरोप लगाउनेले जिम्मेवारी वा जवाफदेहिता लिनुपर्ने जिकिर उनले सचिवालय बैठकमा आफ्नो धारणा राख्ने क्रममा ब्यक्त गरेका थिए ।

प्रधानमन्त्री ओलीले बरिष्ठ नेता माधवकुमार नेपाल र पार्टी उपाध्यक्ष वामदेव गौतमलालाई बोलाएर कुराकानी गर्ने क्रममा पनि आरोपको छिनोफानो नभइकन आरोप बोकेर कोही पनि मानिस। अध्यक्ष वा प्रधानमन्त्रीको जिम्मेवारीमा बस्न त मिल्दैन भनेको कृरा समेत राखेका थिए । उनले सचिवालय बैठकमा स्पष्ट शब्दमा भनेका छन्–मैले अस्ति दुई कमरेडलाई बोलाएर कुरा गरेँ, वामदेवजीसँग कुराकानी गरेँ । यसको छिनोफानो नभइकन, यी आरोपसहित, यी आरोप बोकी बोकीकन कोही पनि मानिस अध्यक्ष वा प्रधानमन्त्रीको जिम्मेवारीमा बस्न त मिल्दैन ।

यी आरोप या त त्यसबाट बदर हुनुप(यो तब प्रधानमन्त्री र अध्यक्षको जिम्मेवारीमा बस्न मिल्छ । त्यसो होइन भने सदर हुनुप(यो र ती पद र ती जिम्मेवारीबाट हट्नुप(यो । यो हटाउने माग त पहिलेदेखि आएकै थियो । यसपटक हट्ने आधार यी हुन्, यसकारण हट्नुपर्छ भन्ने कुरा पनि आएको छ । पहिले जस्तो यसमा सोझै प्रधानमन्त्रीबाट हट, अध्यक्षबाट हट भन्ने भाषा छैन, त्याग गर्नुपर्छ भन्ने कोटेड भाषा रहेको छ । त्याग भन्ने शब्द त्यहाँ राखिएको छ । यस सम्बन्धमा पहिले छिनोफानो हुनुपर्छ । यो आरोप या त सदर ठहरिनुपरयो अनि प्रधानमन्त्री र अध्यक्ष हट्नुपर्यो । यो आरोप सही ठहरिँदैन भने यस्तो आरोप लगाउनेले यसको जिम्मेवारी लिनुपर्यो, यसको जवाफदेही लिनुपर्यो ।