बालकुमारी घटना: मन्त्री ज्वालाका पिएसओ र डिएसपी मुख्य दोषी भएको छानबिन समितिको निष्कर्ष

काठमाडाैं । ललितपुरको बालकुमारीमा गएको पुस १३ गते कोरियाको रोजगारी अनुमति प्रणाली (इपिएस) भाषा परीक्षाको सन्दर्भमा भएको प्रदर्शनमा प्रहरीको गोली लागेर दुई जनाको मृत्यु भएको उक्त घटनाको छानबिनका लागि गठित जाँचबुझ आयोग छानविन समितिले आज प्रतिवेदन बुझाएको छ । प्रतिवेदनले उक्त घटनामा भौतिक पूर्वाधार तथा यातायातमन्त्री प्रकाश ज्वालाको पिएसओ र डिएसपी मुख्य दोषी भएको छानबिन समितिको निष्कर्ष निकालेको छ ।

सरकारले पूर्वन्यायाधीश शेखर पौडेलको नेतृत्वमा जाँचबुझ आयोग गठन गरेको थियो । जसमा पूर्वएआइजी अरुण बिसी सदस्य र गृह मन्त्रालयका सहसचिव नारायण प्रसाद भट्टराई सदस्य सचिव रहेका थिए ।

इपिएस परीक्षासम्बन्धि विवादमा गत १३ पुसमा बालकुमारीमा युवाहरुले गरेको विरोध प्रदर्शनमा प्रहरीले बल प्रयोग गर्दा दुई युवकले ज्यान गुमाएका थिए ।