स्पर्सलाई हराउँदै सिटी अर्को चरणमा

काठमाडौं । नाथान आकेले खेलको अन्त्यतिर गरेको निर्णायक गोलको मद्दतले म्यानचेस्टर सिटीले टोटनह्याम हटस्पर्सलाई हराउँदै एफए कपको पाँचौँ चरणमा प्रवेश गरेको छ । स्पर्सको घरेलु मैदानमा ६ वटा प्रयासमा सिटीले पहिलोपटक जीत हासिल गरेको हो ।

यसअघि सिटीले स्पर्सको मैदानमा लगातार पाँच हार बेहोरेको थियो । शुक्रबार राति भएको खेलमा पनि सिटीले थुप्रै अवसर गुमाएपछि खेल बराबरीतर्फ अग्रसर बनेको थियो । तर आकेले ८८ औँ मिनेटमा गोल गर्दै टोलीलाई जीत दिलाए ।

शुक्रबार नै भएका अन्य खेलमा ब्रिस्टर सिटी र नटिङह्याम फरेस्ट तथा चेल्सी र एस्टन भिल्ला गोलरहित बराबरीमा रोकिए । त्यस्तै, सेफिल्ड वेडनस्डे र कोभेन्ट्रीले पनि १–१ को बराबरी खेले ।