बराबरीका अधिकार र अवसर लिन अझै बाँकी छ : उपेन्द्र यादव

काठमाडौं । जनता समाजवादी पार्टी (जसपा)का अध्यक्ष उपेन्द्र यादवले बराबरीको अधिकार र अवसर लिन अझै बाँकी रहेको बताएका छन् । वीरगञ्जमा मधेश सरकारद्वारा आयोजित ‘बलिदानी दिवस’ समारोहलाई सम्बोधन गर्दै अध्यक्ष यादवले यस्तो बताएका हुन् ।

उनले अधिकार र अवसरका लागि सडक, सदन र संसदमा संघर्ष जारी राख्न आवश्यक रहेको बताए ।

उनले भने, ‘मधेश आन्दोलनले देशमा संघीयता आयो । तर ८ जिल्लाको मधेश प्रदेश मात्र पायौं । मधेशका बांकी भूभाग मधेश प्रदेशमा जोडिओस् । यसका लागि पनि संघर्ष जारी छ ।’

मधेशमा ५३ प्रतिशत जनसंख्या रहेपनि हाम्रो प्रतिनिधित्व ४० प्रतिशत मात्र रहेको बताए । उनले मधेशमा जनसंख्या ५३ प्रतिशत छ तर बजेट १३ प्रतिशत मात्र दिने गरेकोमा दुःख व्यक्त गरे ।